BAI SAREAN http://www.baisarean.org Bai Euskarari ziurtagiriaren bloga Tue, 21 May 2013 10:58:34 +0000 en hourly 1 http://wordpress.org/?v=3.0.1 Enpresarean proiektuaren elkarlanerako txokoa bizi-bizirik http://www.baisarean.org/2013/05/21/enpresarean-proiektuaren-elkarlanerako-txokoa-bizi-bizirik/ http://www.baisarean.org/2013/05/21/enpresarean-proiektuaren-elkarlanerako-txokoa-bizi-bizirik/#comments Tue, 21 May 2013 10:58:19 +0000 Dmartinez http://www.baisarean.org/?p=4202 Segi irakurtzen]]> ENPRESAREAN proiektuaren atal interesgarrienetako bat Elkarlanerako Txokoa da. Buruan dabilkizun proiektu baterako bazkide bila bazabiltza, lan eskaintza egin nahi baduzu edo zure burua lanerako eskaintzen baduzu, baliabide konpartituak behar badituzu, edo kezkatzen zaituen gairen baten inguruko iritziak jaso nahi badituzu, hauxe da zure txokoa.

Txoko hau etengabe eguneratzen da, eta bertan edonork har dezake parte. Besteak beste, uneotan proiektu interesgarriei buruzko informazioa jaso dezakezu, elkarlanerako proposamenak egin ditzakezu, diru-laguntzen berri izateko aukera ematen du, lan eskaintzak egiten dira, gastuak parteko aukera eskaintzen zaizu, edota kudeaketarako laguntza eskura dezakezu.

Enpresen arteko elkarlanerako txoko honetan zuzenean parte hartu nahi baduzu, sortu zure kontu pertsonala edo enpresaren kontua.

]]> http://www.baisarean.org/2013/05/21/enpresarean-proiektuaren-elkarlanerako-txokoa-bizi-bizirik/feed/ 0 Serbitzu Elkarteak Bai Euskarari Ziurtagiria hartu du http://www.baisarean.org/2013/05/13/serbitzu-elkarteak-bai-euskarari-ziurtagiria-hartu-du/ http://www.baisarean.org/2013/05/13/serbitzu-elkarteak-bai-euskarari-ziurtagiria-hartu-du/#comments Mon, 13 May 2013 16:13:05 +0000 Aillarramendi http://www.baisarean.org/?p=4185 Segi irakurtzen]]> Erakunde pribatuei zein publikoei era guztietako zerbitzuak eskaintzen dizkien Serbitzu Elkartea S.L. enpresako gerenteak esker onez hartu du hizkuntzaren kudeaketan egiten duten lana kreditatzen duen egiaztagiria eta mailaz igotzeko urratsak emateko prest agertu da.

Egoitza nagusia Azkoitian duen enpresa 1991n sortu zen  zerbitzuen arloan lan egin eta erreferente bihurtzeko asmoz. Hala, hiri zerbitzuak, errepidetakoak, portutakoak, hondartzatakoak eta lorazaintzakoak ez ezik, hondakinen tratamendu zerbitzuak ere eskaintzen ditu.

Argazkian, Javier Velasco enpresako gerentea (erdian), Agurtzane Epelde Azkoitiko Udaleko euskara zinegotzia eta Arkaitz Illarramendi Ziurtagiriaren Elkarteko teknikaria.

]]> http://www.baisarean.org/2013/05/13/serbitzu-elkarteak-bai-euskarari-ziurtagiria-hartu-du/feed/ 0 Eman izena Enpresarean proiektuan http://www.baisarean.org/2013/05/06/eman-izena-enpresarean-proiektuan/ http://www.baisarean.org/2013/05/06/eman-izena-enpresarean-proiektuan/#comments Mon, 06 May 2013 12:54:35 +0000 Dmartinez http://www.baisarean.org/?p=4178 Segi irakurtzen]]> Orain dela hiru urte sortu genuen ENPRESAREAN proiektua, arlo bereko edo beste arlo batzuetako enpresen artean elkarlana sustatzeko, esperientziak zein jakintza trukatzeko eta hornitzaile berriak aurkitzeko helburuarekin. Hori guztia, baina, euskara elementu komuntzat duten enpresa, elkarte eta entitateen artean. Era berean, ENPRESAREANen bitartez, enpresei negozio aukerak handitu nahi zaizkie eta produktu/ zerbitzu berriak sortu nahi dira, euskaratik eta euskaraz. Horrez gain, euskaraz lan egin nahi duten edo-eta zerbitzua euskaraz eskaini nahi duten organizazioei erraztasunak eman nahi zaizkie eta salmentarako gune bat eskaini. Horrek guztiak, gainera, euskararen prestigio soziala areagotzeko eta arlo sozio-ekonomikoan euskararen presentzia areagotzeko balioko du.

Zer da ENPRESAREAN? Zertarako proiektu hau? Zer eskaintzen du? Aurrera begira zein egitasmo ditu? Gaurtik hasita galdera horiei guztiei erantzuten saiatuko gara. Horretarako bi astez behin bidaltzen dugun Bai Euskarari buletin elektronikoan ENPRESAREANen inguruko txokoa sortuko dugu proiektuaren inguruan sortzen diren berriak argitaratzen joango gara.

Proiektuan, zuzenean parte hartu nahi baduzu, berriz, doan izena emateko eta ENPRESAREANen gertatzen dena bertatik bertara ezagutzeko aukera duzu.

]]> http://www.baisarean.org/2013/05/06/eman-izena-enpresarean-proiektuan/feed/ 0 Lan munduan euskararen erabilera sustatzeko hitzarmena berritu dute Ziurtagiriaren Elkarteak eta Zarauzko Udalak http://www.baisarean.org/2013/04/23/lan-munduan-euskararen-erabilera-sustatzeko-lankidetza-hitzarmena-berritu-dute-ziurtagiriaren-elkarteak-eta-zarauzko-udalak/ http://www.baisarean.org/2013/04/23/lan-munduan-euskararen-erabilera-sustatzeko-lankidetza-hitzarmena-berritu-dute-ziurtagiriaren-elkarteak-eta-zarauzko-udalak/#comments Tue, 23 Apr 2013 16:49:10 +0000 Aillarramendi http://www.baisarean.org/?p=4166 Segi irakurtzen]]> Udalerriko hainbat Ziurtagiridunen presentziarekin, 2005 urtean abian jarritako lankidetza hitzarmena berretsi zuten atzokoan Juan Luis Illarramendi Zarauzko Alkateak eta Rober Gutierrez Ziurtagiriaren Elkarteko Zuzendariak, prentsaurrean eginiko agerraldian.

Bi aldeak pozik agertu ziren hitzarmena sinatu berritan. Izan ere, lankidetza hitzarmenean jasotzen den bezala, bi erakundeen indar eta ahaleginen sinergiak batu eta arlo sozio-ekonomikoan euskararen erabilera areagotzen jarraitzea ahalbideratuko baitu. Eta finean, eguneroko lana indartu. Biek ala biek bat egiten dutelako helburuetan, alegia, Zarauzko Udala azken urteotan aurrera eramaten ari den hizkuntza-politika eta alor horretan egindako ekintzak bat datoz Bai Euskarari Ziurtagiriaren Elkarteak dituen helburuekin.

Horren harira, Gari Berasaluze Udaleko Euskara Zinegotziak Ziurtagiria duten 44 establezimendu eta enpresei eskerrak eman  eta lankidetzan jarraitzeko eskua luzatu zien. Zarauzko Udalarentzat euskaraz bizi ahal izatea lehentasunezko helburua dela eta guztion artean egin beharreko bidean Ziurtagiaria bezalako ekimenak aurrerapauso nabarmenak direla azpimarratu zuen. “Zarautz herri euskalduna da eta guztioi dagokigu euskaraz bizitzeko ahalegina egitea. Euskararen normalizazioa erakundeetatik bultzatu behar da baina ez da nahikoa izango gizartearen konpromisoa lortzen ez bada”.

Rober Gutiérrez Bai Euskarari Ziurtagiriaren Elkarteko zuzendariak, bere aldetik, Ziurtagiria eskuratu dutenen konpromisoa nabarmendu zuen “euskara lanean txertatzeko egiten duzuen ahaleginak lan mundua ez ezik gizartea bera euskalduntzeko ere garrantzi izugarria baitu. Ohartu gabe, edo guztiz kontziente, bakoitza zuen esparruan eta inguruan euskararen normalizazioa sustatzen ari zarete”.

Atzokoan izenpetutako akordioaren arabera, Udalak 4.840 € inbertituko ditu Ziurtagiria udalerrian hedatzeko eta Ziurtagiriaren Elkarteari dagokio lan teknikoa egitea. Egun, Zarautzen 44 saltokik, enpresek eta elkartek dute Bai Euskarari Ziurtagiria. Horietatik hiruk Zerbitzua eta Lana Euskaraz maila gorena lortu dute; beste hogeita bederatzik Zerbitzua Euskaraz maila eta gainontzeko hamabik Euskararen Bidean maila. Oro har, 550 inguru langileri eragiten dio zuzenean Zarauzko Udalak eta Bai Euskarari Ziurtagiriaren Elkarteak sinatutako hitzarmena eta nabarmentzekoa da udalerriko herritarrengan ere izango duela eragina, euskaraz kontsumitzeko aukerak zabalduko zaizkien neurrian.

]]> http://www.baisarean.org/2013/04/23/lan-munduan-euskararen-erabilera-sustatzeko-lankidetza-hitzarmena-berritu-dute-ziurtagiriaren-elkarteak-eta-zarauzko-udalak/feed/ 0 Ostegun eta ostiralean, UDALTOP http://www.baisarean.org/2013/04/23/ostegun-eta-ostiralean-udaltop/ http://www.baisarean.org/2013/04/23/ostegun-eta-ostiralean-udaltop/#comments Tue, 23 Apr 2013 11:15:32 +0000 admin http://www.baisarean.org/?p=4159 Segi irakurtzen]]> Aste honetan egingo da udaletako euskara zerbitzuak biltzen dituen V. Udaltop Topaketa. Apirilaren 25 eta 26an, osteguna eta ostirala, izango dira jardunaldiak Lasarteko Manuel Lekuona Kultur Etxean, eta bi egunez Nola aktibatu herritarrak udalarekin euskaraz jarduteko? Zer eta nola egin, euskaraz ikus gaitzaten? gaiaren inguruan jardungo dute.

Aurtengo egitaraua 11 hitzaldiz, talde-lan dinamika batez eta amaierako kultur ekintza batez dago osatuta. Hainbat alorretako adituek hartuko dute parte topaketetan: psikologia sozialeko adituek, komunikazio adituek, administrazio adituek, etab. Denen artean topaketen ardatz den galderari ahalik eta modu osoenean erantzuna ematen saiatuko dira.

Ziur aurtengo hitzaldiak interesgarriak izateaz gain, oso erabilgarriak direla jardunaldietan parte hartuko duten 170 lagunentzat!

]]> http://www.baisarean.org/2013/04/23/ostegun-eta-ostiralean-udaltop/feed/ 0 EHZ-k auzolana, elkarlana festibalaren erdigunean ezarriko du http://www.baisarean.org/2013/04/22/ehz-k-auzolana-elkarlana-festibalaren-erdigunean-ezarriko-du/ http://www.baisarean.org/2013/04/22/ehz-k-auzolana-elkarlana-festibalaren-erdigunean-ezarriko-du/#comments Mon, 22 Apr 2013 08:00:42 +0000 Ialdana http://www.baisarean.org/?p=4131 Segi irakurtzen]]> Bai Euskarari Ziurtagiria duen Euskal Herria Zuzenean elkartea, 1992-an sortu zen PIZTU elkartearen segipen zuzena da. Hasieratik, Elkarteak Euskal Herrian ikusgarrigintzan oinarrituriko laguntza eta trukaketa plataforma bat izatea zuen helburu eta EHZ festibala ildo horretatik sortu zen,1996an Arrosako zolan. Garai hartan, festibala gutxi zeuden Euskal Herrian zein Europa osoan.

Geroztik, EHZ-k beti lan ardatz berdinen inguruan lan egin du:

  • Dinamika azkar baten planteatzea Iparraldeko barnekaldean, 3 egunetako gertakari indartsu baten inguruan,
  • Euskal nortasun, kultur eta hizkuntzaren baloratzea,
  • Gure garaiko baloreen bozeramaile izatea,
  • Laguntzailegoan oinarrituriko antolakuntzaren bitartez, jatorri eta eremu sozial ezberdinetako gazteen arteko elkarlana bultzatu eta loturak sortu.

EHZ, herri proiektu batetatik eraiki den tresna bat da. Osoki autoeratua, hots alimaleko auzolan baten emaitza. Euskal Herriko eskualde desberdinetan egin, egiten eta eginen den ber gisan, mota anitzetako proiektuak elkarlanaren bidez burutu dira. Aurtengo edizioan, EHZk auzokideen topaketak antolatu nahi ditu. Helburua edozein xokotan egiten diren auzolan horien sustatzea eta aurkeztea da.

Aurtengo edizioa Lekornen izanen da ekainaren 28-29-30an.Willis Drummondek Fermin Muguruzaren kolaborazioarekin “Herri Sorta” deituriko kantua sortu dute aurtengo festibalerako.

Informazio gehiago: http://ehz-festibala.eu/

]]> http://www.baisarean.org/2013/04/22/ehz-k-auzolana-elkarlana-festibalaren-erdigunean-ezarriko-du/feed/ 0 GAZTEZULOk Bai Euskarari Ziurtagiria eskuratu du http://www.baisarean.org/2013/04/19/gaztezulok-bai-euskarari-ziuirtagiria-eskuratu-du/ http://www.baisarean.org/2013/04/19/gaztezulok-bai-euskarari-ziuirtagiria-eskuratu-du/#comments Fri, 19 Apr 2013 12:55:29 +0000 Dmartinez http://www.baisarean.org/?p=4135 Segi irakurtzen]]> 1999an BAGERA Donostiako euskara elkartearen barruan sortutako komunikazio proiektu honek,  Bai Euskarari Ziurtagiriaren Zerbitzu eta Lana maila eskuratu du.

GAZTEZULOk  Euskal Herri osoko eta era guztietako gaiak lantzen ditu. Sareari eta bereziki bere webguneari esker, gazteen arteko  harremanak sustatzen dihardu, gazteek beraien artean  harremanetan jar daitezen eta mota guztietako informazioak eskuratu eta zalantzak argitzeko aukera izan dezaten.

Informazio gehiago: www.gaztezulo.com

]]> http://www.baisarean.org/2013/04/19/gaztezulok-bai-euskarari-ziuirtagiria-eskuratu-du/feed/ 0 Saskia app http://www.baisarean.org/2013/04/18/saskia-app/ http://www.baisarean.org/2013/04/18/saskia-app/#comments Thu, 18 Apr 2013 06:08:13 +0000 admin http://www.baisarean.org/?p=4120 Segi irakurtzen]]> Mandatuak, errekaduak, enkarguak, erosketak non apuntatu ez dakizula, erosi beharrekoen zerrenda etxean ahaztu duzula, azken orduan pisu-kideak zer eskatu dizun ez duzula gogoratzen edo etxean gosaltzeko galleta nahikoa dituzun ez dakizula… Saskia,  erosketa zerrenda mugikorrean egiteko aplikazioa, egoera horietan  lagungarri izango duzu.

Euskara hutsez  eginiko aplikazioa da.

Ez dakizula “lentejak” nola diren euskaraz, Saskiak euskarazko ordaina emango dizu… Nahi izanez gero zure erosketa zerrendan gauzak gehitu edo kentzeko aukera eman diezaiokezu nahi duzunari. Kontuak txukun-txukun egingo dizkizu, mingaina ez duzu luzatu beharko kontuak ateratzeko. Eta Armairuan gordeta daukazunaren berri emango dizu instante batean.

Akabo paper zatiak, blok txikiak, buruko ariketak, hozkailuko zerrendak, ahaztutakoak… Saskiak lana erraztuko dizu.

Ezaugarriak:

  • Erabiltzeko erraza eta arina.
  • Erosketa zerrenda norberarena eta elkarbanatua, armairuaren kontrola, kontuak..
  • Nahi beste erosketa zerrenda
  • Produktuen zerrenda auto-osagarria
  • Ia 500 produktu  aurredefinituak, eta nahi beste gehitzeko aukerarekin
  • Gaztelaniazko produktuaren euskarazko ordaina
  • Erosketa zerrenda elkarbanatu lagunekin
  • Elkarbanatutako zerrendan lagunek produktuak gehitzeko aukera
  • Erosketen kontuak atera
  • Zerrendak berrerabiltzeko aukera
  • Armairuaren kontrola, zer dagoen, zer falta den.

Aplikazioa  Google playn deskargagarri dago.

]]> http://www.baisarean.org/2013/04/18/saskia-app/feed/ 0 Lankidetza hitzarmenak berrituko ditugu Zarauzko Udalarekin eta Bortzirietako Euskara Mankomunitatearekin http://www.baisarean.org/2013/04/10/lankidetza-hitzarmenak-berrituko-ditugu-zarauzko-udalarekin-eta-bortzirietako-euskara-mankomunitatearekin/ http://www.baisarean.org/2013/04/10/lankidetza-hitzarmenak-berrituko-ditugu-zarauzko-udalarekin-eta-bortzirietako-euskara-mankomunitatearekin/#comments Wed, 10 Apr 2013 15:05:25 +0000 Aillarramendi http://www.baisarean.org/?p=4104 Segi irakurtzen]]> Duela urte batzuk abian jarritako lankidetzari jarraipena eman asmoz eta aurrerantzean ere arlo sozio-ekonomikoan eragite lanarekin jarraitzeko xedearekin, lankidetza hitzarmenak berrituko ditugu datozen egunetan Zarauzko Udalarekin eta Bortzirietako Euskara Mankomunitatearekin.

Zarauzko Udalarekin adostutakoaren arabera, Ziurtagiriaren Elkarteari dagokio egitasmoaren koordinazioa eta entitateen segimendua egitea. Ildo horretatik, Bai Euskarari Ziurtagiria duten Zarauzko 43 entitateek beren eguneroko lan jardueran euskararen presentzia areagotzeko neurri zehatzak hartzera animatzea helburu izanda, teknikari bat aritu da aurrez-aurreko bisitak egiten. Gainera, Udalak bideratutako diru partidari esker, urteko kuotan deskontuak aplikatu ahalko zaizkie Ziurtagiridunei.

Bortzirietako Euskara Mankomunitatearekin hitzartutakoari dagokionez, Elkartetik bideratuko dugu enpresa, komertzio, denda eta une honetan Bai Euskarari Ziurtagiria duten eskualdeko 91 entitateen jarraipena. Akordioari esker, Mankomunitateak 2.000 € bideratuko ditu egitasmoari babesa emateko eta beste diru kantitate bat bideratuko du eskatzen duten Ziurtagiridunei diru-laguntza bat emateko. Aldi berean, Bai Euskarari Ziurtagiria duten entitateen difusioa eta egitasmoa sustatzeko zozketak aurreikusten dira Ziurtagiria duten entitateetan kontsumitzen duten bezeroen artean.

]]> http://www.baisarean.org/2013/04/10/lankidetza-hitzarmenak-berrituko-ditugu-zarauzko-udalarekin-eta-bortzirietako-euskara-mankomunitatearekin/feed/ 0 Gure ordenagailu eta beste gailu batzuekin euskaraz lan egiteko funtsezko giltzarriak http://www.baisarean.org/2013/04/09/gure-ordenagailu-eta-beste-gailu-batzuekin-euskaraz-lan-egiteko-funtsezko-giltzarriak/ http://www.baisarean.org/2013/04/09/gure-ordenagailu-eta-beste-gailu-batzuekin-euskaraz-lan-egiteko-funtsezko-giltzarriak/#comments Tue, 09 Apr 2013 10:34:43 +0000 admin http://www.baisarean.org/?p=4095 Segi irakurtzen]]> Nahiz eta gure eguneroko bizitzan euskaraz aritu, badaude oraindik alor batzuk non euskararen presentzia ez den oso agerikoa. Hoietariko bat Informazio eta Komunikazioen arloa da. Dena den, askotan euskararen “absentzia” hori gehiago da erabiltzailearen ohitura faltagatik edo sistemek eskeintzen dizkiguten aukerak ezagutzen ez ditugulako aukerarik ez egoteagatik baino.

Orduan, gure ordenagailuak, sakelekoak, tabletak euskaraz erabili ditzakegu? Bai noski!

Jardunaldi honetan dauden aukerak aurkezten saiatuko gara, aukera hoiek nola inplementatu gure ekipoetan eta azkenean eta gogoa izanez gero nola parte hartu momentu honetan aplikazioak euskaratzen dabiltzan komunitateetan.

Data: 2013/04/17
Ordua: 9:30etatik – 12:30etara
Iraupena: 3 ordu
Salneurria: Doakoa
Lekua: Garaia Enpresa Digitala, Garaia Gune Teknologikoa, Goiru 1, 20500 Arrasate-Mondragon

Helburua

Jardunaldi honen helburua zera da: Eguneroko lanean euskara erabiltzen duten profesionalei bere informatika eta komunikazio gailuekin euskaraz lan egiteko dauden aukerak ezagutaraztea. Bestalde Iinformazio eta Komunikazio Teknologien munduan dabiltzan teknikarieri ere aukera hoiek erakutsi beraien bezeroei aukera horiek ere eskeini diezaizkioten.

Egitaraua

9:30-9:45:
Jardunaldiaren aurkezpena

9:45-10:45:
Euskaratu zure ordenagailua
1. Euskararen egoera ordenagailuetan, sakelekoetan,…
2. Nabigatu euskaraz
3. Hodeian ere euskeraz
4. Sistema eragileen egoera. Zelan ipini euskaraz? MacOSX, Windows, GNU/Linux. Posible al da?
5. Bulegotika Aplikazioak: Microsoft Office, Libreoffice.
6. Hiztegi eta zuzentzaileak.
7. Baliabideak

10:45-11:00: Kafea

11:00-12:00
Eta sakelekoetan eta tabletetan zer?
1. Sistema eragileak iOS vs Android
2. Aplikazioak

Nola lagundu dezaket?
1. Zabalik dauden proiektu batzuk
2. Adibideak

12:00-12:30 Zalantzak eta galderak

Nori Zuzendua

Bere eguneroko lanean euskara laneko hizkuntza moduan erabiltzen duten profesionalei, eta baita informatika eta komunikazio gaiei buruzko sostengu teknikoa ematen duten profesionalei.

]]> http://www.baisarean.org/2013/04/09/gure-ordenagailu-eta-beste-gailu-batzuekin-euskaraz-lan-egiteko-funtsezko-giltzarriak/feed/ 1